You Cannot Download this book untill you login but you can read it .

---

Login Register

tana gode min tana ƙarawa, muna cikin wannan halin ne daddy ya
shigo ya ganmu


"to menene kuma ku da bakwa rabo da kuka"


Nan mummy ta kwashe tas abinda mmn badia ta faɗa mana ta faɗa, jikin shi yayi
sanyi sai ya samu wuri ya zauna sannan ya kalle yace


"sam asmau mijin ki be haukace ba, jijiyace ta toshe jijiyar da ke comtrolling
tunanin ɗan adam, duk da dai wannan rare case ne ba a cika samun sa ba cikin mutane
saboda jijiyar tana can cikin kan mutum amma ba wani abu bane, da an masa aiki an
masa flushin ɗinta zai dawo dai dai in shaa Allah"


Wani ajiyar zuciya muka saki ni da mummy inda daddy yai mana bayanin cewar suna ta
processing yadda za afita shi inda za ai masa aikin a china



Sosai daddy ya kwantar mana da hankalin mu inda yace zai dinga sa ɗaya daga cikin
maza su dinga kwana ana shifting saboda yanzu ya riga ya warke


Gwanda ace da namiji abin sai ya fi sauƙi, tun daga lkcn ƴan uwansa maza suka fara



Zuwa suna taya mu jinya, kwana ɗai ɗai suke yi in wannan yazo ya kwana gobe wani
ne zai zo,



Mun sai da muka ƙara wata ɗaya a haka kafin a gano lkcn da sabit yake yin pupu ko
fitsari, tunda aka dai daici lkc sai ya kasance da lkcn yayi za akai shi toilet
kuma cikin hukunci Allah yayi ɗin


Sam bana ƙyanƙyamin aiki kashin sa ko wani abun, haka ma mummy, ni dai kawai amai
ne yake yawan taso min


Rannan da safe bayan ya gama cin abinci sai ya ɓata bedsheet ɗin da fitsari sam
mantawa nayi ban saka shi ba
 Tare da mummy muka kwashe kayan inda amai kwai yake ta taso min, bamu gama ba nayi
toilet a guje na dinga sheka amai kamar zan amayar da kayan cikina



Sai da nagama sannan na fito, sannu kawai mummy tayi min sannan tace in je gida
in huta zata ƙarasa


Karɓar kayan naje nayi inda naga ta kauda kayan daga kusa da ni

"asmau kin ma yi ƙoƙari wallahi bazan taɓa judging ɗin ki ba, amma wallahi bazan
taɓa zama inga kina takura ba saboda jinyar sabit, jinya sam bata da daɗi kna da
zaɓin da kike so ko ki zauna da shi ko ki tafi, amma ya za ayi ina kallon yadda
kike kuma ince ki cigaba wallahi asmau na yafe ki koma gida ki kula da yaran ni
kuma zan kula da shi har Allah ya bashi lfy"


"wallahi mummy ba a takure nake ba, kawai dai haka kurun sai inji zuciya ta na ta
tashi, ko me naci sai ya dawo"


Kallo na tayi

"yaushe rabon da kiyi period ɗin ki"


Tsayawa nayi ina tunani, kai 😱😱 kar dai ace ciki gare ni, murmushi na gani a
fuskar


"dama yace yaje maiduguri ranar daya dawo ashe rabo ne ya kai shi, kai amma naji
daɗi" ta faɗa tana rungume ni


Cikin nawa na kuma shafawa wanda sai yanzu na fahimci ɗan motsin da nakan ji akai
akai a cikin nawa


Wajen sabit ɗin ta jani, yana zaune akan kujerar sa, hannun shi ta ɗauka ta kai
kan cikina


"sabit kaga ajiyar ka kayi sauri ka warke kafin ya zo duniya"


Kamar ba shi ake ba sam be kalle mu balle ya tanka, wannan abun ya kuma bani
tausayi da lamarin sabit kai Allah ka bawa wannan bawan naka lfy


Ko da daddy ya zo sai da mummy ta faɗa masa sosai ya nuna murna da wannan labari,
shine ma yace wa mummy muje muji yadda babyn yake



Lami lfy haka aka gano babyn mu ƴar wata huɗu da ƴan sakita, wannan ya fi komai
farin ciki, inda daddy ya kafa dokar dole in daina kula da sabit nima in zauna in
kula da kaina


Sam ƙin yadda nayi, inda daga ƙarshe aka bar maganar akan zan dinga zaman
asibitin amma kuma bazan kuma wani aiki ba saboda nima mara lafiya ce



Sosai nake kula da cikin jikina har lkcn da sabit ya iya tafiya, yana iya tafiya
yanzu sosai ba tare da taimakon komai ba, amma matsalar itace yana ɗingishi


Badia sun zo ita da bbn ta inda ya kawo ta ta bada haƙuri daddy ya so ace an bawa
badia takardar ta amma sam sai bbn ta ya ƙi, yace a bari a ga in kai masa aiki da
za ai masa a waje yadda hali zai yi


Wannan ne yasa har yanzu badia take a matsayin matar sabit amma sam bata zuwa ko
bbn ta ya matsa mata zata zo amma maganar da zat dinga yaɓa wa sai kace dama bata
zo ba


Lkcn da muka tashi tafiya china yayi a lkcn cikina yana da wata bakwai ya ɗan
fito amma ba sosai ba, ba kamar na twins ba



Da ni da mummy, isma'il sai anty fannah mukai tafiyar domin neman lfyr sabit,


Ranar da muke je a ranar akai admitting ɗin mu a asibitin na ƙwaƙwalwa a wani ɗan
ƙaramin gari da ke garin yangshuo a birnin Guangxi na garin china




Sam garin bashida wani girma sosai sannan a zagaye yake da duwatse sai tafkeken
kogi dake gefen gari


Hanya ɗaya ce wacce zaka shiga garin kuma ka fita ta shi inda a mota zaka sai dai
ko in a jirgin ruwa ne shine zaka shigo ta kogi



Shi kanshi asibitin ba wani babba bana amma kuma duk faɗin china yana ɗaya daga
asibitocin ƙwaƙwalwa da ake ji da shi


Kwanan mu uku aka shiga da sabit theater inda sai da suka sake masa sabon general
check up anan suka gano ɗorin da akai masa a ƙafar sa sam be yiwu ba don haka sai
an sake ɓalla ƙafar sannan asake masa sabon ɗauri



Gyaran ƙafar ne yasa aka ɗaga aikin a alkcn da aka saka don dole sai an ɗauko
orthopedic dr. sannan ayi masa aikin rana ɗaya
 Sati biyu babban likitan na ƙashi ya bamu kafin yazo, wanda ranar da ya zo a
ranar aka shiga da shi theater


Tun ƙarfe 10 :30na dare suka shiga operation ɗin inda za afara masa na ƙafar dana
nan ayi masa na ƙwaƙwalwar


Wannan jar danjar da ke kunne a ɗakin theater room itace nake ta kallo wacce in
tana a kunne hakan yana nuna operation ɗin ake yi


Fatana da burina sabit ya samu sauƙi, awan likitan ƙashin uku cur sannan ya fito,
in da yai mana bayanin an gama komai amma sai da akayi masa ciko da ƙarfe a ƙafar
tasan


Inda zai dinga zuwa ana duba after every six months kafin ƙafar ta dawo dai dai a
cire masa

Sam banji daɗin wannan labarin ba duk da dai na godewa Allah amma nafi son jin
sakamakon operation ɗin ƙwaƙwalwar


Ƙara kwantae nama da hankali yayi akan kar mu damu, wanda zai masa na ƙwaƙwalwar
ƙwararre ne,



Riƙe hannun likitan nayi

"pls can i watch da operation" na tambaye shi


Gyaɗa kansa yayi sannan yasa wata nurse ta rakani, sai da na canza kaya zuwa kaya
irin nasu na likitoci sannan na shiga nima amma daga gefe nake inda zan dinga
kallon komai da komai


Wani irin ɗan iskan operation akai masa wanda ba 'ai masa allurar bacci ba idon
sa biyu


Sai da aka fara masa aski sannan aka yanke fatar kansa sannan aka buɗe ƙoƙon kan
nasa da wani abu kamar ana drilling grrrrrrrrrr haka kawai kake ji yana yi



Sun daɗe suna abun su nidai ina gefe ina kallo a wata na'ura yadda suke abin
nasu, ashe haka ƙwaƙwalwar mutum take


Tsab suka dinga abin a hankali a hankali, shi kan shi dr. ba directly yake abin
ba, ta microscope kake ganin komai na cikin ƙwanyar kan nasan, yana yi ana goge
masa gumi sannan ana miƙo masa duk wani abu da yake buƙata
 Sai da ake je wajen da jijiyar ta toshe sannan sannan naga ya buɗe ya saka wani
abu kamar ɗan zare ya soka cikin wata jijiya haka



Tsab abin ya shige ya kuma ɓata ɓat a cikin jijiyar, wani ɗan abu kamar allura
suka saka a gurin da wannan abun ya shige sannan suka kunna


Ba wani ƙara da abin yake yi sai dai jijiyar ce take ta girgiza kamar ana
jijjigata


Sun yi hakan kusan na minti ɗaya sannan suka dakata, wani likita ne yaje gaban
sabit yai masa magana


Abin mamaki sai ya amsa, kaiii


Ya tambaye shi sunan sa, tsab ya bada amsa, ɗagowa sukai suka kalle ni alamar
gaskiya ya faɗa na ce yes


Suka dinga masa tambayoyi akan rayuwar sa yana basu amsa dai dai kuma duk amsar da
ya basi sai sun tambaye ni na gyaɗa kai


A haka suka ci gaba da masa aikin ƙwakwalwar ana yi masa suna masa tambayoyin har
aka gama



Sai da aka gama tsab sannan akai masa allura waccw ta saka shi bacci dole sannan
suka rufe masa kan nasan shike nan aka gangaro da shi



Kuka na dinga yi na murna kamar me, har sujjadar shukuriyya sai da nayi na godewa
Allah daya bashi lfy


Kwana huɗu aka bashi akan zai yi bacci kafin na sai su tashe shi, in dai be tashi
ba in kuwa ya tashi shike nan



********************


Ranar da sabit zai farfaɗo ranar daddy da badia suka ƙaraso bata tanka min ba nima
bance mata komai ba amma sosai ta nuna mamakin ganina da tayi da tsohon ciki
haihuwa ko yau ko gobe


Ina kallon ta har ƙasa ta durkusa ta gaida mummy, nace ai yanzu mummy tana da
mutunci tunda dai kunji labarin haukacin ɗan ta ya warke
 Tashi nayi na basu wuri don naji tana son ayi hira da ita, ɗakin da sabit yake
kwance na shiga na zauna kusa da shi


Ɗan kwantar da kaina nayi kusa da shi, ban san lkcn da bacci ya kwashe ni ba, ina
cikin baccin naji kamar ana taɓa min kai na


Buɗe ido na nayi sabit ne amma idon sa a rufe yake sai bakin sa daya furta wata
kalma wadda sai da na ƙarasa kusa da shi sannan naji inda naji yana cewa

"only" kut mar lallai ma sabit ɗin nan kana farfaɗowa badia ka tuna ba ni ba ko


Haushi ya kamani kamar in make shi ficewa nayi daga ɗakin zuciyata a kufule


Mummy suna zaune da badia na same su kallon ta nayi a wulaƙance sannan nace


"ya farfaɗo yana neman ki" dukkan su juyowa sukai suka kalle ni

"niiii" inji mummy, girgiza kansa nayi sannan nace

"only naji yana kira" da saurin ta badia ta miƙe

"Allah sarki *SD* na ko da ka farfaɗo ni ka fara nema aka ce true love never fades"
tashi tayi cike da yanga ta shige ciki ta bar mummy da mamaki ni kuma da takaici


"wallahi mummy bazan kuma ɗaukar wulaƙancin sabit ba"

Kasa magana mummy tayi

"hmmm banni dai ya kasa nema na ya kasa neman kowa sai wannan ƴar iskar wallahi
bari ya dawo hayyacin sa sai dai ya zaɓa ko ni ko ita"


Haɗa kai mukai ni da mummy muna ta jajan tawa juna,


Buɗewar ƙofar ɗakince ta samu juyawa mukai duban mu ga ƙofar, badia ta fito ranta
a ɓacd ko kallon inda muke bata yi ta fice fuuuuuu kamar wacce aka zaga


Binta mukai da kallo sannan muka miƙe muka shiga ɗakin, inda muka tarar da sabit a
zaune

"only " naji ya kuma cewa yana kallona, harara na doka masa, wacce ta sashi
murmushi

"mummy kinga only baby ta tana harara ta ko bayan bani da lfy"


Kallon sa tayi taid murmushin jin daɗi sannan tace

"wannan tsakanin ku kunfi kusa, ni dai duba lfyr ka nazo yi tunda na ga ka
watsatsake barin in kama hanyar in tafi apartment ɗin mu in huta, Allah ya ƙara
sauƙi"
 Gaba ɗayan mu muka haɗa baki muka ce amin, tana gamawa ta fice ta bar mana ɗakin,


"zo nan mu only" kallon sa kawai nayi na ɗauke kaina, lallai ma sabit ɗin nan
gwanjon sunan da yake kiran matar sa zai laƙa min saboda ya mai da ni second hand



Matsamin yayi sosai wai in ban matso ba zai taho da kansa, ganin ƙaton bandage
ɗin dake ƙafar sa ya sani matsawa kusa da shi


Hannuna ya riƙe, ya kalle ni cikin idona sannan yace

"asmau ban taɓa son kowacce mace ba kamar yadda nake sonki don Allah will u be my
only wife 4 ever"


Girgiza kaina nayi

"ni dai wallahi bana son only ɗin nan gwanjon sunan badia ne" na faɗa fuskata kamar
zanyi kuka


"kin riga kin gama da ni a duniyar nan kin min abinda bazan taɓa iya mantawa da ke
ba da kuma soyayyar ki gare ni don haka duk abinda kike son a dinga kiran ki da shi
hakan za a yi, yanzu gaya min wane suna kike sooo"


*ASMA'UN SABIT*
shine kawai abinda na iya faɗa,

In shaa Allah in Allah ya yarda ni da asmaun sabit har abada



Sosai mutumin nan yana kwance yake nuna min soyayya sunfari sunfari kamara ba
patient ba, wani abun ma in yayi sai ya bani kunya ko kuma mamaki wallahi sabit ya
ɓaci sam baya jin kunyar kansa


Yana kwance a gadon asibitin nan amma maganar da ke bakin sa tafi ƙarfin sa, sam
mummy bata wani daɗe wa inta shigo ɗakin da ta shigo ta ganmu sai ta fice ta bar mu
mu sakata mu walawar mu


Tun randa ta shigo ta ganni a kanannade a jikin ɗanta lips ɗina a nashi, a
hankali ta mai da ƙofar ɗakin ta rufe wallahi na ganta sabit ne de sam be san ta
shigo kasancewar ya juyawa ƙofar baya


Tun daga lkcn bata kuma zuwa asibitin ba, ni kuwa kunyar ta sosak nake ji amma da
yake ita uwar zamani ce sai bata nuna min komai ba


Satin sabit biyu da operation na haihu inda na sauka lfy na samu ƴa ta kyakkyawa
itama baƙa kamar twins,
 Murna awajen sabit kamar me sam be nuna wani abun akan kalar ta ba sai ma huɗuba
da yayi mata da sunana

"Allah ya raya min ke asmaul husna ta" shine abinda yake cewa



Watan mu biyu sabit ya warke ras kamar bashi ba ga ƴata itama tayi wayo sosai,
sai alkcn muka dawo nigeria cike da murna da farin ciki



Nai mamakin dana ga a gidan mummy zamu zauna ashe isma'il ne ya koma can gidan
namu shi da iyalan sa mu kuma zamu ci gab da zama anan kafin sabit ya gama nashi



Rayuwa muka shinfiɗa ni da sabit ɗina da kuma ƴaƴan mu waɗanda babu yadda mummy
batai ba sabit ya bata ɗaya amma ƙiri ƙiri yaƙi sai dak suje can suyi wasa ko da
rana amma in dare yayi ko sunyi bacci sai ya ɗauko su sun dawo part ɗin mu



Babu wanda yasan sabit ya saki badia sai da daddy yace yaje ya dawo da ita inda
anan ne ya ke shaidawa cewar shi ya sake ta ko kaɗan daddy be so hakan ba mummy
kuwa har addua sai da tayi masa saboda nuna murnar ta




*BAYAN SHEKARA GOMA*


Rayuwa babu yadda bata juyawa ,muna zaune lfy da mijina inda a yanzu ina da ƴaƴa
takwas shida daga cikin su mata ne kuma baƙaƙe sai ɗan autana me sunan daddy wanda
yake kamar annur fari tas kamar sabit


Na ɗauka irin sabit zai rawar ƙafa dan haife shi amma sai naga saɓanin hakan


"kai yanzu yayin baƙaƙe akeyi" ya faɗa lkcn da ya ɗau baby irfan, harara na doka
masa

"ina ka koma kenan" na tambaye shi

Murmushi yayi ya ajiye irfan ya matso kusa da ni tare da rungume ni sosai sannan
yace


"kalar asmaun sabit ce dole ne in sota


I really love u my asmaun sabit" ya faɗa yana haɗe lips ɗinsa da nawa
 *TAMMAT BI HAMDULILLAH*


*Godiya sosai ga dukkan masoyan wannan littafin anan na kawo ƙarshen sa Allah ya
sada mu da alkharinsa*


*ayi ramadan lfy Allah ya bamu alkhairin da ke cikin ta sannan ya raba mu da
sharrin da cikin ta*


*pls kusa my cutie walid a adduar ku mura 🤧🤧 ta danƙe min shi*


Sai mun haɗu a next Littafina


*RABONA CE* wanda in shaa Allah bayan sallah amma kafin lkcn


*I LOVE Y'ALL*😘😘😘

Bis salam nice a kullum


```mmn walid and walida ce```

Mrs Aliyu 🤝🏻



Copied By
HAYATU BABA ZUBAIRU(YAYA HAYAT)
(ADMIN OF ADMINS)
(admin
Hayat hausa novels
Hausa novels and fashion
Cool novel, makeup and kitchen1⃣

Downloaded From https://tknovels.com.ng