You Cannot Download this book untill you login but you can read it .

---

Login Register

zama a karkashin su ba, tunani ya fara yi ta yadda zai samawa Rimsha wannan takarda ta cike, idan ta cike shikenan tana karkashin kulawar Lion, ba zai bari wani abin ya same ta ba, addu'a ya fara yi Allah yasa Lion ya zo da takardan, idan ya zo da takardan wlh sai ya ɗauko mata ta sanya hannu ko me zai faru, lokaci guda kuma wani tunani ya faɗo mashi, ina maman su Prof take da har ta bar sister Prof a nan, da ya ke kuma su yin hakan ma ba wani abu bane a wajen su, sai bai wani damu ba, bai kuma kawo komai a ransa ba, ya san su a wajen su ma yarinya tana iya barin gidan iyayen ta koma gidan saurayinta ta zauna, kuma iyayen suna gani ba wani action da za su ɗauka akan hakan.

Tunani cike fal ransa har barci ya yi awon gaba da shi.

Imran kuwa suna fita sai da suka sayawa Rimsha abin da zata yi breakfast da shi, sannan ya bata 1k lokaci ya kure sun zauna hira da Areef bata yi girki abin da zata ci ba, tun da bata iya cin nasu ba.

Bayan sun je school ɗin Imran ya dawo ya barsu ita da wannan sojan a school ɗin, kowa sai kallonta yake yi, kowa yana son sanin wace ce ita, da soja yake gadin ta, sojan ma kuma Bature ga shi fari tas da shi kyakkyawa mai kirar jarumai, daga student har malamai sai kallonsu suke yi.

Da lokacin shiga class ya yi, har cikin class ɗin sojan ya shiga, ya zauna a kujeran da malami yake zama yana fuskartar ɗaliban, fuskar nan tasa babu alamar wasa ko kaɗan, shiyasa gaba ɗaya ɗaliban suka razana, class ɗin ya yi tsit tamkar babu kowa, ga Rimsha yar firitu agab shi, dan bata kai kirjinsa tsawo ba, da kaɗan ta ɗara cikinsa tsawo, amma a haka yake bata tsaro, duk in da ta je yana biye da ita, kai Allah ka bamu arziki mai albarka.

A ɓangaren su Ayla kuwa, yau zata fara zuwa school, sosai mijinta ya shirya ta, kamar yadda yake shirya jelly ta tafi school haka ya shirya ta ita ma, ta yi kyau sosai, shima ya shirya cikin wata haɗaɗɗiyar yadi ash color, ya yi mashi kyau sosai da yake yana da haske.

Da farko ma cewa ya yi shi zai yi mata girki tayi breakfast, dan akwai kitchen a part ɗin nasu, amma sai Aunty ta rigashi ta aiko masu da abinci, ba dan ya so ba, ya zuba mata girkin Auntyn tayi breakfast sannan suka fito suka nufi cikin gida, sun jero kamar wasu taurari.

A bakin kofar shiga palon su Abbi suka yi karo da Irfan yana fitowa, har wani faɗuwar gaba ya ji ganin su da ya yi a tare, bawan Allah har yar rama ya yi, kakalo mirmishi dole ya yi tare da miƙawa daddy hannu yana faɗin "Barka da safiya bappa".

Da fara'a daddy ya miƙa mashi hannu yana faɗin "Irfan baka da lafiya ne?" Girgiza kai ya yi kafin ya ce "A'a bappa lafiya ta lou, yanzu shiga na ciki ma sai da Sadiya ta tambaye ni ko bani da lafiya ne, wai me kuka gani kuke tambaya tane?".

Ayla ce ta caɓe zancen da cewa "Yaya Irfan ka rame ne mana, ina kwana?" Dogon numfashi ya ja tare da sauke wa a hankali kafin ya ce "Lafiya lou Aliya kin tashi lafiya?".

Lafiya ta amsa mashi da shi, sai wani kauce masu yake yi, baya son ganin fuskar Ayla, shi kuma daddyn jelly ya tsai da shi akan lallai sai ya gaya mashi menene yake damun sa, kafewa ya yi akan lallai shi ba abin da ke damun sa, haka suka hakura suka kyale shi ya wuce su kuma suka shige cikin palon.

Zaune suka isko Aunty saman dining table, cikin zolaya daddy ya ce "Sadiya kina cin ye mani kuɗi sosai fa, yanzu tun ban tashi barci ba kin haye saman table kin fara ciye ciye ko? So kike yi ki ja mani wata matsala ko? Wai ba ance kada ki rinƙa cin abubuwa masu nauyi ba har sai kin kara samun sauki ko? Shine kike ta ɗurawa da sanyin safiya salon ki jamin sake mai daki asibiti na kashe kuɗi na ko?."

Hararar wasa ta wurga mashi kafin ta ce "Kai da nake renonka ɗin ne zaka yi mani wata magana? Ni fa yanzu Aunty babba ce, ka zama kanina Yaya Maik tun da ka kame mani yar kanwata ka shige da ita part naku na zama aunty babba".

Harara shima ya wurga mata da manyan idanun nan nasa yana karisawa wajen table ɗin, "Ina kwana?" Ta faɗa tana murmushi.

"Yanzu kenan kika tuna da gaisuwar ko? To ni dai kin shirya wa matata lunch box nata ne, ko kuma in shiga kitchen da kaina?".

Kai kallonta kan Ayla dake tsaye ta sunnar da kai kasa ta yi, sai wani ƴan kame kame take yi, "Yaya Maik yanzu ni da nake Aunty babbama ni ce zan shirya maku lunch box ko?" Ɗaukar apple ya yi kwara ɗaya ya wuce ya nufi kitchen yana faɗin "Da dai ban iya girkin bane da sai ayi mani rigima, amma tun da na iya matata ta wuci gori".

"Eyeee irin wannan soyayya haka? To ni dai dawo na shirya mata, ai na san yau zata je school, dan haka na shiryawa yar kanwata komai da komai, Ayla wai kame kamen me kike yi ne? Ki je kitchen ki ɗauko box ɗin naki mana".

To ta ce tana ƙoƙarin nufar kitchen ta jiyo voice nasa daga ciki yana faɗin "No bari na ɗauko mata da kai na, sai ma na binciki me a ciki tukun nan, dan ita ba komai zata ci ba yanzu".

Murmushin kawai Aunty ke yi ta ce da Ayla ta zo mana me ya tsai da ta a can, ba musu ta kariso wajen table ɗin cike da kunya suka gaisa, cikin raha kasa kasa dan kar daddy ya ji Aunty ta ce "Ke jiya da kika wani ce mani daddy da zafi baki ji kunya ba sai yau ko? A lallai yarinyar nan". Ta kai karshen maganar tana dariya.

Ita kuma Ayla hannu tasa ta rufe fuska tana tunanin a yaushe ta ce wa Aunty daddy da zafi kuma, bata san cewa a gigin barci ta yi maganar ba.

Lunch box ɗin ya ɗauko ya fito yana faɗin "Ina yaya Deen?" "Yana barci bai tashi ba" Aunty ta bashi amsa.

Hararar ta ya yi kafin ya ce "Ke kuma har kin tashi kin haye saman table ko?" "E mana ka sani ko dalili ya sanya ni hawa saman table ɗin? Kai ma fa yaya maik wlh wasa wasa ka iya sa ido".

Ɗan zaro ido ya yi kafin ya ce "Serious fa abin da nake tunani ne ya saki cin abinci da sassafen nan? Ba likita ya ce ba zaki sake iya ɗaukar ciki ba?".

Guntun tsaki ta ja tana turo baki ta ce "Da farko dai ban san me yasa nake jin yunwa safe da dare daga jiya zuwa yau ba, na biyu kuma likita bai isa ya yanke hukuncin abin da ya shafi Ubangiji ke bayarwa ba, Allah ke bada haihuwa ba wani ba, so babu likitan da ya isa ya ce ba zan haihuba ko zan haihu, wannan hurumi ne na Aarahman".

"Haka ne zancen ki gaskiya, to Allah dai yasa abin da muke tsammani ne, mu dai mun wuce sai na dawo" ya faɗa yana barin wajen table ɗin tare da riƙo hannun Ayla da ɗayar hannunsa ɗayar kuma ya ruƙe mata lunch box ɗin suka fice daga palon, da kallo Aunty ta bisu har suka fita, sai fatan Alkhari take yi masu a zuciyarta.

Yau ma kamar daren jiya, da motar Abbi suka fita, tana zaune a front seat ta kwantar da kanta tana kallon hanya.

"Me babyn daddynta take tunani ne?" Ya tambaya yana kallonta ta cikin mirror motar, dawo da kallonta kan shi ta yi tana murmushi, "Daddy kai nake tunani mana".

"Da gaske?" Ya yi maganar cike da jin daɗi, kuma ya yi magar daidai lokacin da ya ɗauki titin makarantar tasu.

"E daddy da gaske kai nake tunani".

Cool murmushi ya saki tare da jawota jikinsa yana kara gudun motar dan su isa da wuri ya samu ya rungumeta da kyau.

A kuwa cikin ƙankanin lokaci suka isa makarantar, yana kashe motar ya rungumeta da kyau a jikinsa yana faɗin "Baby zan yi kewarki sosai wlh, yanzu sai fa karfe ɗaya zaki dawo, kai anya zan iya kuwa?". Tana daga lafe a kirjinsa ta ce "Daddy nima fa ina jin kamar ba zan iya jimawa ban ganka ba".

Wani irin daɗi ya ji burinsa ya fara cika, haƙarsa ta fara cin ma ruwa, ɗago haɓarta ya yi tare da haɗe bakinsu waje guda, nan take suka shiga bawa juna hot kiss.

Sun shagala da kiss na juna agogon dake ɗaure a hannunsa ta buga mashi karfe 8 ya yi, da kyar ya iya zame bakinsa daga nata tare da sake ta yana faɗi "Muje na kai ki". To ta amsa da shi, kusan a tare suka fito suka nufi cikin school ɗin.

Cikin ƴan mintunan da ba su wuci goma ba ya gama komai ya fito ya shiga motarsa zuwa gida ya bar ta a school ɗin, har ga Allah yana kewarta fiye da tunanin mai tunani, haka ya koma gida ya kwanta cike da damuwa.

After some hours 👌

Gidan Lion.

Bayan Rimsha ta dawo daga school, tare da sojan nan, cikin gida ta nufa kafin ta shiga bedroom nata Imran ya dakatar da ita ya ce ta shirya da wuri su je gidan babbansa su yi wa daddyn Jelly murna ya yi aure. To ta amsa da shi, cike da zumuɗi ta shige cikin bedroom nata.

Tsabar murna zata fita anguwa a gurguje ta yi wanka ta shirya cikin wasu riga da wando masu ɗan karen kyau, rigar pink color ce zuwa gwiwarta ya tsaya mata kamar Pakistan, yayin da wandon kuma ya kasance fari tas mai stones a jiki, wandon dai pencil Jeans ne, while shi kuma rigar yana da ɗan faɗi daga ta kasa, da ta saman shi kuma ya kamata, gyalen kayan fari ne tas kalar wando, light make up ta yi ta gyara gashin kanta tare da ɗaure shi a tsakiyar kanta, sai tashin kamshi take yi, zubawa hannunta ido ta yi tana kallon yadda lallen hannun nata ya rage baki yake ƙoƙarin gogewa, da yake tana taɓa ruwa sosai, tunani ta fara yi dole yau ko gobe ta ce yaya Imran ya kai ta ayi mata wani. RIMSHA SARKIN SON LALLE DA GYARAN JIKI

Da wannan tunani ta ɗauko farin hijabi daga cikin trolleynta ta fito Palon.

Babu kowa a palon, haka kawai ta ji cewa tana son ganin ɗakin Lion ɗin nan, ba ko tsoro ta lallaɓa izuwa bakin kofar ɗakin, bata kai ga leƙawa ba ta ji motsin Imran yana ƙoƙarin fitowa daga nasa ɗakin, da yake kusa ne hakan yasa ta ji motsin nasa.

A sukawane ta gudu ta koma saman sofa tana sauke ajiyar zuciya, Malika ce ta bayyana a gefenta tana faɗin "Ke Rimsha bakya jin magana ko? Wlh da kin leƙa ɗakin nan da yau kun yi ido huɗu da shi, domin kuwa yana zaune yana fuskantar kofar shigowa, da kuma hakan ta faru..." Bata kai ga karisa maganar ba ta ɓace abinta, dan ta isar da saƙon da take son isarwa, kuma ba sai ta karisawa Rimsha abin da zai iya faruwa ba idan da ta leƙa ɗakin, ta sani ita da kanta. Tana ɓacewa kuma Rimsha ta fara jiyo muryan Imran dake tsaye a ƙanta yana faɗin "Muje mana ina ta yi maki magana kin yi shiru".

Yar firgita ta yi tare da miƙewa tsaye tana faɗin "Kayi hakuri yaya Imran". Ba komai ya ce mata tare da wucewa gaba ta bi bayansa.

Ɗakin Areef suka fara shiga, yana zaune ya jingina da jikin headboard na gadon, yau ya sha wanka, har wani kyau ya kara, hasken fatarsa ta kara bayyana, yana sanye da singlet fara tas da shot, sai dai ya jawo bargo ya rufe cinyoyin sa, ba ƙaramin razana da kallon kyakkyawar surar jikinsa Rimsha ta yi ba (ni ko na ce dan ma baki ga na Lion ba, ai da sai suma!) Ta razana sosai, har wani kerma jikinta yake yi, shi kuwa zuba masu ido ya yi yana kare mata kallo, dan ɗazun yana kwance bai kalleta sosai ba.

A cikin zuciyarsa ya ce kai ashe karama ce sosai, tab akwai aiki a gabansu. Gefensa Imran ya zauna yana tambayar shi ya jiki, da sauki ya amsa, ita ma ta gai da shi, fuska ba ya bo ba fallasa ya amsa.

Sanar mashi da in da za su je Imran ya yi, shiru ya ɗan yi kafin ya ce "Da ina da lafiya ai da munje tare" murmushi Imran ya yi ya ce "Ba komai idan ka samu lafiya zamu je, zai kai ka wajen dukka yan uwana" Sosai ya ji daɗi dan ba ƙaramin so yake yi wa Imran da ƴan uwansa ba, duk da bai san kowa daga cikin su ba, daga Imran ɗin sai Rimsha da yake yi wa ganin kanwar Imran ɗin ce, amma duk da bai san su ba, yana bala'in kaunar su sosai.

Sallama suka yi, suna yi mashi Allah ya kara sauki, shi kuma yana yi masu adawo lafiya, da haka suka wuce.

Da motar Imran ɗin suka tafi, a hanyane ya ce mata "Rimsha kina da farin jini sosai da sosai kowa son ki yake yi, kina burge duk wanda ya zauna dake" murmushi kawai ta yi ba tare da ta yi magana ba. "Kina jin yunwa ko?" Ya tambaya yana sauƙa daga kan titin da suke zuwa na gidan su Abbi ɗin.

Gyaɗa mashi kai tayi alamar e tana jin yunwa "To ki yi hakuri, an shirya mana abin ci a gidan Bappa zamu je mu ci, su Akila ma duk Akil ya kai su tun karfe 12 na rana, yanzu mu kaɗai suke jira".

Wani irin daɗi ta ji, zata haɗu da Akila da Umaisha.

Suna isa gidan tun bai gama kashe motar ba ta fito, dan ita burinta kawai ta ga su Akila. Tsayuwa ta yi tana jiransa har ya kashe motar ya fito suka jera izuwa cikin gida.

Tun a bakin kofar palon suke jiyo hayaniya alamar suna haɗe a palon kenan, Imran ne a gaba tana bin shi a baya.

Da sallama ɗauke a bakinsu suka shiga cikin palon, wani ihu Ayla dake zaune kusa da daddy ta kurma tare da miƙewa ta nufeta tana faɗin "Rimsha!! Rimsha kece?!!" Ita ma Rimsha ihun sunan Ayla ɗin ta yi suka rungumi juna suna dariya kamar zautattu.

Malika dake tsaye a bakin kofar shigowa ba wadda ke ganin ta dan bata bayyana a yadda za'a ganta ba, da ɗan karfi ta ce "Rimsha ki ɗan yi nisa da Ayla dan kada wannan bala'in ya taɓa ki" a razane Rimsha ta zaro ido tana kallon ta.

Malika ta gane cewa karin bayani Rimsha ke so, dan haka sai ta ce "E abin da kika ji haka ne, akwai wadda ta bawa wani boka aiki shi kuma ya sanya aljanu yan uwa na yin wannan aiki, ba za su iya taɓa wadda aka ce ayi wa aikin ba, yana da riƙo da askar masu karfi, dan haka kan Ayla za su sauke wannan aikin nasu, bana son ki yi kusa da ita dan zata iya mutuwa akowani lokaci k.....


Sai mun haɗu Monday idan mai dukka ya kai mu
[11/27, 5:44 PM] Princess Teema Marubuciya Star Lady: 💖💖TRIPLETS💖💖

E 69-70



Malika ta gane cewa karin bayani Rimsha ke so, dan haka sai ta ce "E abin da kika ji haka ne, akwai wadda ta bawa wani boka aiki shi kuma ya sanya aljanu yan uwa na yin wannan aiki, ba za su iya taɓa wadda aka ce ayi wa aikin ba, yana da riƙo da askar masu karfi, dan haka kan Ayla za su sauke wannan aikin nasu, kuma kinsan a cikin aikin ma har da wadda duk macen da ta raɓe shi da sunan soyayya zata mutu, bana son ki yi kusa da ita dan zata iya mutuwa akowani lokaci, ko kuma wani mummunar abin ya sameta". Nan take Rimsha fara hawaye abin ya taba ta sosai da sosai, da yake sun jima suna kewar juna sai kowa ya yi tunanin kukan ɗaɗin haɗuwa da yar uwar tata take yi. Ita kuma tana son tambayar Malika amma tana tsoron yin magana kada su yaya Imran su yi mata kallon mahaukaciya tun da ba kowa ke kallon Malika ɗin ba.

Ganin tana kuka ne yasa Imran ya sanya hannu ya raba ta da jikin Ayla ɗin, sai murmushi Ayla ke yi bakinta yaki rufuwa, ita kuma Rimsha wannan murmushi da Ayla ke yi, yana kara tayar mata da hankali ba kaɗan ba.

Gaba ɗaya family suna haɗe a Palon, mazan sun yi shigar mayan kaya matan kuma abayas, Abbi, daddy'n jelly, Aunty, Irfan, Akil, Akila, Umaisha, Aafia, Ayla amarya, a gaba ɗaya ƴan gidan, Hajiya Khadijat ne da kuma Hanan sune basu a waje, ita Hajiya Khadijat ma bata gidan, ta tafi gidan Ummin Nawid wuni, ita kuma Hanan tana wanka.

Akila ce ta taso ta rungumeta tana rarrashinta, a haka suka karisa cikin palon suka zauna, saman sofa ɗaya Ayla da Rimsha suka zauna, while daddyn Jelly na gefensu, Aafia baiwar Allah da yake tana samun kulawa sosai wajen Akil har kumatu ta yi, saɓanin a gidan nasu da bata gaba bata baya, kullun a yadda take, ba cigaba, amma yanzu Akil na kula da ita sosai, hakan yasa kaso 70 cikin 100 na damuwar da take a ciki na rabata da budurcinta da aka yi ta ragu mata, a yanzu dai ta dai'na yawan tunanin sosai, ta fawwalawa Allah komai, ta dukufa da karatun dake a gabanta, Amarya Umaisha kam ba'a magana, dan ƙibar da ta yi ma a yan kwanakin nan ba kaɗan bane, kumatun nan sun ciko sosai, da yake dama tafi Aafia diri da kuma kiɓa, ita kuma Aafia ta fita tsawo, Umaisha akwai hips da breast sosai kamar Rimsha da Akila, su ukun nan shape nasu kusan ɗaya, sai dai wadda ta fi ƙiba a ciki afi yawan ganin nata.

Sai hira suke yi cike da annashuwa da farinciki, suna ta gaggaisawa da juna, ita kuma Hanan tana wanka, bata fito ba. Daddy'n Jelly bawan Allah tunanin Jellyn sa kawai yake yi, ga ƴan uwanta sun haɗu amma bata nan, abin sam bai yi mashi daɗi ba, ya jefa shi cikin tunani.

Kasa hakuri Rimsha ta yi dan tana son yin magana da Malika, dan haka sai ta miƙe tana faɗin "Yaya Imran ina zuwa zan je wajen mota na dawo". Bata jira amsar shi ba ta fice da sauri abinta.

Tana fita Aunty ta fara tambayar a ina Imran ya samo yarinya kyakkyawa haka, wato magana suke akan Rimsha, bai ɓoye masu ba, ya gaya masu gaskiya yar Nawazudden ce, nan fa daga Abbi har daddyn Jelly suka fara godiya ga Allah da ya kawo masu ƴar Nawazudden har cikin gida, ashe da rabon su ramawa Nawazudden abubuwan alkhari da ya yi masu, ba ɓoye ɓoye da yake bappanun sune, hakan Imran ya fara basu labarin irin wahalar da Rimsha da Ayla suka sha kamar yadda Rimsha ta gaya mashi.

Duk cikin palon ba wanda bai matsa masu kwallaba, nan fa daddyn Jelly ya kara ɗaura ɗamarar kula da amaryarsa sosai, dan tasha wahalar rayuwa ba kaɗan ba.

Ita kuwa Rimsha tana fita waje ta fara ƴan waige waige tana neman Malika, can jikin motar Imran ta hangota tana tsaye ta harɗe hannu a kirji tana ɗan murmushi kamar kullun.

Da sauri Rimsha ta karisa wajen ta. Cike da tashin hankali ta fara magana "Malika menene yake faruwa? Dan Allah ki gaya Mani, wlh idan Ayla ta mutu zan iya shiga tashin hankali da zai iya zama sanadiyar rayuwata, kin dai ga nima bani da lafiya ko? To dan Allah ki tausaya Mani, yanzu haka da karfi karfi zuciyata ke bugawa, kirjina ciwo yake yi mani, dan Allah ki ji tausayin mu Malika". Tana magana idanuwanta cike tap da kwallah.

Matsowa Malika ta yi ta dafata tana faɗin "Rimsha bana son ganin ki cikin damuwa, bana son abin da zai taɓa ki, amma abin da na gaya maki akan Ayla gaskiya ce, ina son ki sani ba laifi na bane, kuma kema ba laifin ki bane, dan haka kiyi hakuri kamar yadda kika saba karɓar kaddarori da jarabobi to a wannan karon ma dagewa zaki yi ki karɓi mutuwar Ayla.

Tashin hankali, wani irin duhu Rimsha ta fara gani yana gilma mata ta cikin idanunta, jiri ta fara gani mai karfi yana ɗebanta, wani irin juyi duniyar yake yi mata, nan take ta fara ƙoƙarin zubewa kasa a wajen.

Cikin sauri Malika ta tareta tana faɗin "Rimsha kada ki faɗi, wai baki ji abin da Dr ya ce bane? Ko kin mance ne? Idan fa kika cigaba da sanya damuwa a ranki har kina yawan faɗuwa ki suma zaki sami paralyse, to dan haka ya kamata ki kula, ki zama mai karɓar kaddara a duk yadda ta zo maki, kuma ai ba ce maki na yi aikin ya kamata ba, bai kai ga kamata ba, a takaice ma bokan bai kai ga kammala aikin ba, so kinga akwai damar da za'a iya kuɓutar da ita, kin san fa wadda ta bada aikin cewa ta yi amata aikin da duk macen da ta raɓe shi da sunan soyayya to ta mutu, sannan kuma shi a sanya mashi son ta ita wadda ta bada aikin kenan, ita kaɗai zai so, to kinga aikin ba zai kama shi ba, ita kuma Ayla abin da yasa zai kamata ta mutu, saboda ta raɓe shi da sunan soyayya ne, dole aikin ya faɗi akanta.

Cikin sauri har tana haɗe words ta ce "Yanzu dai Malika ki gaya mani taya ya Ayla yar uwata zata kuɓuta daga hannun wayan nan azzaluman?"

A takaice Malika ta ce "E kuna da hanya biyu koma in ce ɗaya, domin ɗayar ba lallai ta yi amfani ba, bari na fara gaya maki wadda ba lallai ta yi amfani ba, askar, yin addua da zama da alwala shine hanya ta farko kuma shine ba zai yi amfani ba, abin da ya sa na ce ba lallai ta yi amfani ba, saboda Ayla ba zata iya ba, ba zata juri yi kullun ba, saboda bata saba ba, acikin askars da muke da su ma kwata-kwata guda uku Ayla ta iya, so yanzu ko kin ce mata ta rinƙa yi ba zata iya yin shi kullun ba, zata rinƙa mancewa, kuma Kinga bokan yana kan yin aikin, zai iya kammalawa ko wani time daga yanzu, wannan shine hanya ta farko, wadda ba zata yi wani amfani ba, hanya ta biyu wadda zata yi amfani kuma shine the best solution da kuke da shi a yanzu, domin daga yanzu zuwa ko wani lokaci bokan nan za su iya kammala wannan aiki, ina kara jaddada maki, wannan hanya dai ba wata bace fa ce a sami haɗuwa tsakanin Ayla da AbdulMalik, jininsu ya haɗu, ta haka ne za'a iya samin nasara, amma shima fa idan ba'a yi yadda ya dace ba ana iya samun matsala".

Kwata kwata Rimsha bata gane irin haɗuwar da Malika take nufi ba, dan haka sai ta ce "Ai yanzu ma suna haɗe gida ɗaya, baki gani suna tare a palo bane? Ko dai ba AbdulMalik ɗin a cikinsu ne? Ko ba su bane ƴan uwan Ayla ɗin?".

Nisawa Malika ta yi kafin ta fara bata labarin yadda akayi Ayla ta zo gidan da kuma wanene AbdulMalik sannan ta yi mata karin haske akan irin haɗuwar da take magana akai. Babbar magana shiru Rimsha ta yi tana tunanin ya za'ayi ta gayawa Ayla ga abin da Malika ta ce, kai ina hakan ma ba zai yi wu ba, to waye ya dace ta gaya mawa?.

Ganin haka yasa Malika ta saketa tana faɗin "Kiyi tunani mai kyau, ki nutsar da brain naki, ki ceci kawar ki ƴar uwan ki, na barki lafiya zan je gida, amma zuwa gobe zan dawo". Tana kai karshen maganar ta ɓace ɓat, hakan kuma