You Cannot Download this book untill you login but you can read it .

---

Login Register

cikin daji da yawa.
Me zama a wannan ruga sai Wanda ya taki abubuwa da dama. Dan bakowane mutum bane yake iya rayuwa awajen. Kasancewarta muguwar riga....
Cikin sauri wani cikinsu shima ya amshe da cewa.. "Kaga shike nan asirinmu ya rufu agun oga.. Dan idan mukace mai munyi yanda yace muyi zamu zauna lafiya dashi.
Idan ko mukace mun kasheshi saiya d'auki ran d'aya daga cikinmu..
Kaga rugar Malam Jauro bame zuwa bare asan da zaman gawarsa awajen.
Idan ko muka yar dashi anan kaga dole atsince shi kuma labari yajema oga..
Shuru sukayi suna nazari
Can wanda ya harbi Sunusi yace. "Wannan shawarar tayi. Kunga sai musa Sunusi shi kad'ai a buhun barkonan kamar yanda ogan yace. Sai muce mai gabaki d'ayansu ne mukasasu a buhun bamu san ya akayi aka rasa ADAMS d'in ba.

Kowa cikinsu yayarda da wannan shawarar.... Dan haka suka kinkimi ADAMS suka sashi cikin motarshi. Sannan suka saka Sunusi abuhu irin babban nan wanda yake d'auke da barkono aciki. suka kullesa. uku daga cikinsu suka shiga motar ADAMS d'in d'aya yajata.. Sannan sauran suka shiga cikin dajin inda suka ajiye motarsu dan kar'a ankare dasu.
Sannan suka kusa cikin wani daji me nisan tsiya. Dan sai tafiya suke kamar basa tafiya.. Akalla sunkai kusan biyu na dare kana suka iso rugar.. Saidai basu bari sun qarasa cikinta ba dan sunsan illar dake cikinta..
Ad'an nesa da rugar cikin dajin suka yada Adams...
Suka juya abinsu da barin wajen...


Washe gari da misalin qarfe takwas suka samu fitowa daga rugar...
Nan suka d'auki hanyar garin Kaduna. Sanda sukayi awa uku kana suka samu kansa a garin Kadunan. Sannan sukaje unguwar su Dadyn ADAMS suka bar Sunusi cikin motar da key na motar Adams d'in sannan suka bar unguwar.
Amman sanda suka zaro wata kwarab'abbiyar waya suka kira num na Dadyn Adams kamar yanda Ogansu ya basu suka gayamai ga Adams nan da direbansa cikin unguwarsu da alama yana cikin wani hali... (Kuji fa masu karatu)
Suna gaya mai hakan suka kashe wayar da cillar da ita awajen sukayi tafiyarsu..

Lokacin da Dady ya d'auki wayar tasu yana zaune ne shida Hajjiya Rukayyat da Ammi. Suna magana akan rashin jin Adams d'in daba suyi ba awaya. Gashi basu da number na Yusuf kona Ibrahim d'in.. Aiko da sauri Dady ya tashi jin abinda suka ce mai yana me cewa "Subhanallah.. Nan su Ammi suka buqaci suji meya faru. Da sauri ya gaya musu ya fito waje yana cilla ido yaga ta'inda zaiga motar Adams d'in
Aiko ya d'anyi nisa da tafiya cikin layin nasu saiya hango motar..
Da sauri ya qarasa gareta yana duba amman baiga kowa aciki ba sai wayoyin ADAMS dana Sunusi..
Yana bud'e Boot na motar sai yaga qatan buhu fari kallo d'aya zaka mai kasan na barkono ne.
Yayi duba iya duba wajen wai kozaiga Adams alayin amma baiga kome kamarsa ba.
Hankalin Dady ya tashi matuqa dan haka nan ya shiga kiran wayar da suka kirasa da ita nan yaji akashe.. Saiya kira wani amininsa babban d'an sanda yana gayamai yaxo yanxu unguwarsu ankawo mai motar d'ansa Adams kuma baya ciki da alama wani abu nasan faruwa.

Ai dajin hakan yacema Dadyn gashi nan zuwa..

Haka yazo da yaran aikinsa suka hau caje motar basuga komai ba. Sai kwarab'abbiyar wayar da suka yar nesa da motar.
Ogan nasu yace abud'e mai buhun barko nan nan.
Aiko dan yaransa suka bud'e mai saiko ganin sunusi sukayi cikin barkono..
Nan suka fitto dashi anan suka gane yazama gawa dan ga shedar harbi nan akansa bai b'uya ba..

Hankalin Dady yayi matuqar tashi nan ya yanke jiki ya fad'i sumamme..


NUFAISAT da Ammi da sukaji labari nan suma haka suka zube sumammu.
Masu qarfin halin Hajjiya Rukayyat ce da TAUDHAT..

Nanfa zance ya baza gari an nemi ADAMS ba'a agansa ba..
Hankalin y'an uwa da abokan arziqi ya tashi matuqa..
Dan b'atan mutum yafi mutuwarsa Shiga tashin hankali. Saboda idan mutuwa yayi ba shakka damuwar ta dabance.
Idanko b'ata yayi kullum tunani mutane zasu shiga yi koyana wane hali koya mutu koyana raye oho
Wannan yasa hankalin kowa yayi mayuqar tashi.
Nan aka fara sanarwa a gidajen radio da gidan talabijin yanar gizo wajen nemansa.
Anan Yusuf yasan Adams ya b'ata...
Dan haka ba shiri ya baro garin gwambe dan shima ya rasa nutsuwarsa ganin baiji Adams d'in ba.
Dama Ibrahim bawai agarin gwanben yake ba. aa Aure ne kawai mamansa takeyi agarin dan tarabu da mahaifinsa. Hakan yasa shi yake gun Mahaifinsa anan cikin garin Kadunan.
Dan haka tare da Yusuf suka dawo Kaduna suna masu san jin ba'asin yanda akayi Adams ya b'ace.

Babufa ADAMS babu labarinsa sam cikin garin Kaduna.
Dan har y'an sanda da masu farin kaya kaf sunyi iya binkikensu basuji labarin Adams ba..

Dare da rana safe da yamma malamai addu'a suke akan Allah ya bayyana Adams..
Dan a binciken istaharan duk malamin da yayi ya nuna ADAMS yana *RAYE* saidai yana cikin wani mawiyacin hali
Jin hakan da Dady yayi shiyasa jininsa qara hawa a asibiti..
NUFAISAT ko ba ita tasamu kanta ba sanda tayi sati a asibitin tadawo hayyacinta..
Saidai tasaka salloli agaba dare da rana akan Allah ya fitto mata da mijinta ya karesa aduk inda yake.
Haka TAUDHAT duk ta karad'e malamanta da bokayenta sun bata tabbacin Adams yana raye saidai baza suce ga inda yake ba.
Gaskiya itama hankalinta ya tashi sosai.

Ganin hakan yasa masu tsaran lafiyar Adams d'in suka fito sukace su suna zargin Ibrahim shine ya b'atar da ADAMS kuma ba mamaki shine ya kashe Sunusi.
Jami'an tsoro sunsasu agaba kan sufad'i dalilinsu na fad'in hakan..
Nan suka gaya musu shine yasa wasu suka kaima ADAMS d'in hari a shekarun baya.
Kuma yaxo ya buqaci dasu kulle dashi dan shi rayuwar ADAMS d'in yake buqata..

Ai dajin wannan batu nan take ogan y'an sanda yasa yaransa suje su nemamman Ibrahim aduk inda yake..
Sunci sa'a tare da Yusuf suka dawo daga gwamben dan haka basusha wahalar ram dashi ba..
Dafarko yayi musu gaddama akan baisan komai akan labarin ba.
Kuma qarya masu tsaran lafiyar Adams suka masa na wai shine yasa wasu suka kai mai hari..
Sam jami'an tsoran basu wani yarda da Ibrahim d'in ba
Dan haka nan suka hau gana masa azaba cikiko harda guntule mishi y'an yatsu guda biyu..
Ai yana jin azaba ya gaya musu shine yasa aka kai mai hari shekarun bayan. Kuma da gaske shine yasa yanxu a kashesa akuma kashe Sunusi dan karya tona musu asiri..
Jami'an basuji mamakinsa ba dan sun saba ganin abin mamakin irin hakan
Dan haka sai suka buqaci suji dalilinsa nayima Adams d'in hakan...
Ba wata kwakkwaran magana dan cemusu yayi.... Tun suna skull ADAMS yake samun nasarori arayuwa amman shi baya samu.
Haka shi LEEKITAN ZUCHIYA ne hakama Adams d'in shima LEEKITAN ZUCHIYA ne.. Saidai sunan Adams yafi fitowa duniya tasanshi fiye dashi..
Haka tafanni kasuwancin da yakeyi nan ma ya qara fito da sunansa ko'ina aka sanshi...
Wannan dalilin shiyasa yaji hassadar Adams d'in takamasa. Saiya bara bin bokaye kansu dak'ushe tauraran Adams su d'aukaka nashi.. Saidai abin bai yuhu ba. Sakancewar shi me ibada ne. Shine kawai ya yanke shawarar yasa akasheshi. Nanma way'anda yasa sumai hakan baisan dalilinsu na kasa kasheshin ba har akaro na biyu..
Shine yanxu yayi amfani da wannan damar dayaji Adams d'in yace bazaibi jirgiba ba motarsa zaibi. To shine yacema yaran aikin nasa duk iya wiya kadda subar ADAMS darai awannan karan....

Sosai jami'an tsaran suka jinjina hassada da baqin hali irin na Ibrahim.
Sun buqaci daya gaya musu inda yaran suke. Way'anda yasa su kashe Adams d'in
Ya gaya musu inda suke. Amman anyi duban duniya suma ba'a gansu ba
Wannan yasa hankalin jami'an tsaran ya tashi dan Ibrahim ya tabbatar musu da cewar wallahi bayan inda ya gaya musu baisan inda kuma suke ba...


Ayanxu dai Ibrahim yana hannun jami'an tsaro dayi musu aiki me tsanani.. Dan sunce bazasu sakesa ba har sai ranar da akaga ADAMS. dan ba zama zasuyi ba zasu dinga nemansa ne har Allah yasa adace..

Ammin Adams tana cikin wani hali. Kullum tunaninta ADAMS ne
Ba dare babu rana rokwan Allah take kan ya fito mata da d'anta cike da lafiya..


Haka NUFAISAT itama tunaninta ADAMS d'in ne kuka take cikin dare tana rokwan Allah ya bayyana mata mijinta..

TAUDHAT mah tana cikin damuwa dan har tafara tunanin yanxu idan ba'aga ADAMS ba. Ya zatayi wajen rayuwa da wani namijin..

Yusuf ma ba'a barshi abaya ba. Dan kullum addu'a yakema Adams babu dare babu ranah. Haka indai zai fita saiyaje gurare da dama wai kozaiga Adams d'in..

Dady kam jiki babu sauqi dan likita yace saiya cire damuwar Adams aransa sannan zai samu lafiya..

Lokaci na tafiya amman har yanxu shuru kakeji babu labarin Adams.
Yau kusan watanni tara kenan babu amo babu labari...
TAUDHAT da NUFAISAT sunsa aransu bazasu tab'a barin Auran Adams ba suna nan suna jiran dawowarsa dan sunji aransu da gaske bai mutu ba....



Wannan kenan me karatu🙅🏻‍♀


Kuci gaba da bibiyata ni Rahma Nalele ina tare daku y'an hannuna👐🏼👐🏼👐🏼.. Jiya naso turo muku Allah bai yarda ba



[7/11, 2:55 PM] ®🔳◾◼▪official Auntyn Luv.: `☆´-`☆´-
☆“˜•☆•
¸☆“☆ª☆_☾`☆•
❉ *.¸¸.*♠*.¸¸.*⚫*.¸¸*❆ *.¸¸.*⚫.¸¸.*♠ *LEEKITAN ~ZUCHIYAH*
*.¸¸.*⚫*.¸¸*❆ ¸¸.*⚫¸*♠ *.¸¸.*⚫*.¸¸*❆
`☆´-`☆´-
☆“˜•☆•
¸☆“☆ª☆_☾`☆•
{Zoka Gyara Tunanina}
A true life story
April.. 2018

Labari da rubutawa zuwa ga tsarawa.. ☾•Rahma Muh'md Rufa'i Nalele..☆

*© REAL HAUSA FULANI WRITER'S FORUM🐄*
☆We the best ☆

https://mobile.facebook.com/Real-Hausa-Fulani-Writers-forum-RHFWF-173984973194167/?refid=52&ref=opera_speed_dial&__tn__=H-R

” بسم الله الرحمن الرحيم
realhausafulaniwriters@gmail.com
☆page 19☆



Sannan way'anda sukama ADAMS dukan nan suna nan cikin garin Kaduna suna jinyar kansu cikin b'oyayyan guri...
Dan nagaya muku shima Adams bawai kallansu kawai ya tsaya yi ba. Yayi musu b'ar me yawa. Dan dai kawai suna jin tsoran karsu kasheshi ne ogansu yad'au hukunci akansu banda haka da tun fara artabun nasu zasu sakar mai bindiga.
Dan duk da suna tare makamai ahannunsu sanda ya nuna masu iyakarsu.
Ya fasama d'aya daga cikinsu gefan ido d'aya Wanda nake kyautata zatun yama rasa idan..
Haka ya karya wani ma acinya.
Yama wani duka a gabansa. Inda kunsan da wiya mutum yake tsallake duka awannan waje batare daya shiga ukunsa ba.
Sannan ya kaima Wanda ya kashe Sunusi mugun bugu a hanci Wanda nan take kamanninsa suka canja. Dan hancin ya samu mugun rauni. Ga baki hak'ura sun zube..
Wannan tunda yayi masa haka yar iyanxu kansa yaqi dawowa daidai..
Ogansu yayi mamakin hakan sosai. Dan bai tab'a kawowa masu jin dad'in rayuwa suna tare da qarfi haka

Wannan kenan me karatu


************

Rugar malam jauro wata hatsabibiyar ruga ce da take nan cikin d'aya daga qauyukan garin gwambe. Saidai tayi daji da yawa kasancewar malam jauro yana da arziqin shanu masu yawan gaske..
Wannan dalilin yasa mutane suke zagawa suke mai sata san ransu. Lokacin daya ankare da hakan shine yayi wani abu Wanda duk Wanda ya shigo rugarsa da niyar sata to ba makawa mutuwa zaiyi..
Abin da yayi yana amfani da haline da abinda kazoyi.
Wannan yasa jama'a da dama suke ganin rugar ba wajen zuwa bace saboda yanda suke ganin kawarwaken mutane da sun shiga wajen.. Duk Wanda ko sukaga yaje rugar lafiya ya fitto lafiya cewa suke akwai abinda ya taka..

Babbar Ruga ce sosai danta tara ainiyin fulani masu wayan gaske.
Way'anda basu san hayaniya. Dan kallo d'aya zaka musu ka kirasu da fulanin daji.
Basu san komai na rayuwa ba sai kiwo...
Saidai sun bambanta da jahilan mutane saboda malam jauro shahararran malami ne.
Yana da sani akan ilimi na addinin musulinci.
Wannan yasa duk inda suka fito idan zasu aiwatar da al'amuransu gabanka bazaka kirasu da jahilal ba.
Dan sunsan ilimi na addinin musulinci
Malam jauro ya koyar dasu Qur'ani me girma su fiqhu ahalari qawaqidi da sauran littattafai na addina..

Bayan wannan basu da sani akan komai sai kiwo..

Gwaggwa Yawo wacce suke kira da Yawo tana d'aya daga cikin mutanan da suke zama cikin wannan Ruga..
Saidai ba'a wajen ainihi tayi rayuwa ba aa zama ne dai ya kawo ta cikin dajin ita da d'anta Musa..

Dan ita asalinsu y'an qauyen Jos ne BASA.

Yawo yaranta biyu ne aduniya. Rahma da Musa qaninta..
Mahaifinsu ya mutu ne bayan sati uku da Aurar da Rahma da yayi ga wani d'an garin Kano. Wanda bai sanshi ba haka kawai dan ya ganta yace yana Santa Sai kawai ya bashi ita wai ya yaba da hankalinsa..
Dan kawai ya d'auki wata d'aya yana zuwa tad'i wajenta.. Dake kunsan Bafulatan mutum dasan kud'i nan take shiko saurayin ya dinga masa kyauta kala kala. Hakan yasa yace wai yayarda da hankalinsa. Amman ya masa alqawari idan ya aura masa y'arsa Rahma zai dinga zuwa duk wata biyu yana kawo musu ita suna ganinta..
Shiko saurayi yayarda da hakan.
Ita dai yawo hankalinta bai wani kwanta ba. Gani take saurayin d'an yankan kaine. Yana aure mata y'a zai yanke mata kai.
Dan haka tanuna ita bata amince da auran ba. Shi kuma mijin nata yace ya amince. Haka tanaji tana gani ya d'aura ma Rahma aure da wannan saurayi ya kuma saka Rahman gaban motar saurayin yace tama mijinta biyayya dan yayarda dashi😨😨😨
Yowa tafi kwana uku tana kukan rabuwa da Rahma
Lamarin d'aurin Auran ya faru da kwana uku tayi mafarkin saurayin ya yanka mata y'a..
Aiko wayewar wannan safiya data tashi ba abinda take Sai kuka..
Shiko mijin nata ce mata yayi Dan tasa hakan aranta ne shiyasa tayi mafarkin hakan..
Jinsa kawai tayi Amman tasa aranta da gaske sirikin nasu ya kashe mata Y'a...
Tana cikin jimamamin hakan ne kuma da sati biyu mijin nata ya rasu..
Wannan yasa tsoro ya kama zuciyarta..
Ana yin Arba'in d'in rasuwan mijin nata sai tace da Musa ya saida shanunsu kaf zasu tashi daga basa nan qauyen Jos su koma qauyen yola ko gwambe..
Haka musa ya yarda da zancenta ya sayar dasu kamar yanda ta buqata shine fa basu zame ako ina ba sai'a garin gwambe
Ahankali suka fara gane kan garin. Kasancewar Yawo tafi san zaman daji saita dinga neman sani akan dajikan da suke qauyen gwambe. Anan taji ta gamsu tayarda da zama a Rugar malam jauro..
Sai Musa yasai musu shanu agun Malam Jauro ya fara ciwansu. Aiko cikin iko na Allah nan shanun nan suka dinga haihaifafa ya tarasu da yawan gaske.
Anan yaga wata wacce yake so ya Aura sunanta Hasiya.. Hasiya macece me hankali da nutsuwa tunda Musu ya furta mata yana santa da aure taji tana sanshi da qaunarsa..
Hasiya y'a d'ayace agun iyayenta. Wanda makwaftan junane su dasu Musan
Suma iyayenta basu da wasu danji dan suma zuwa rugar sukayi kamar yanda su Yawo d'in sukazo..
Sun yarda da auran Musa da Hasiya iyayenta nan aka d'aura musu aure.
Saidai watansu takwas da auran Musa ya rasu ya bar Hasiya da ciki..
Anan hankalin Yawo ya tashi matuqa dan dama su biyu gareta. Gashi bata san inda Rahma take ba. Da gaske saurayin nan ya kasheta kobai kasheta ba oho..🙂 Shid'in kuma da take kallansa taji dad'i Gashi ya tafi..
Wannan dalilin yasa tad'auki san duniya ta d'ora akan cikin da Hasiya take dashi...
Hasiya na tashi haihuwa tahaifi mace santaleliya me kama da ita sak.
Saidai ita baqa ce. Irin baqin nan da bature ke cewa black beauty..
Kallo d'aya zaka mata kasan kayi gamo da baqar bafulatana..

Gashi Mahaifiyarta fara mahaifinta fari danginta farare amman ita tazo baqa..

Ranar suna yarinya taci suna Faɗima.
Dake malam jauro ne ya rad'a mata sunan haka kawai yaji yana qaunar yarinyar. Dan yarinya ce me shiga rai tun zuwanta duniya haka mutanan wajen suke tururuwa wajen san ganinta.
Dan da wiya kamata kallan farko bakaji tashiga ranka ba..
Hakan yasa Malam Jauro yake kiranta da Musulma.. Shine Yawo take kiranta da MUSLEEMA.

San duniyar nan haka Yawo da mahaifan Hasiya suka d'auka suke nunama MUSLEEMA

Kaf cikin Rugar nan babu black beauty Sai MUSLEEMA
Hakan yasa kowa yasan da zaman MUSLEEMA awannan Ruga..


Ayanxu shekarunta goma sha biyu.
Kuma a qa'idar Rugar malam jauro yara y'an mata suna kaiwa shekaru goma sha uku ake Aurar dasu..

Wani d'an malam jauro ne yake san MUSLEEMA. Ayanxu haka har an saka musu ranah..

MUSLEEMA yarinyace me sanyi haka. Tana da d'an surutu tsiwa idan tasanka kuka saba..
Tana da manyan ido shanyayyu irin na me jin bacci d'innan. Ga dinful d'inta me sata kyau idan tayi murmushi ko dariya. Ga jiki na d'aukar hankali..
Zara zaran yatsunta abin kallo ne. Sannan tana da Gashi me tsawo me santsi da sheqi irin na ainiyin fulani.
Alamu sun nuna MUSLEEMA bazatayi irin wannan tsawan nan me yawa ba. sannan bazatayi qajarta irin me munin nan ba
Sannan baza'a kirata siririya ba. Haka baza'ace mata lukuta ba.
Idan me karatu yana san ya hango yanda jikin MUSLEEMA yake. Toh yayi amfani da jikin wannan jurumar Y'ar film d'in wasan hausan nan wato MARYAM BOOTH...
Abu uku kawai MUSLEEMA zata nunama Maryam booth shine tafita mazaunu HP. Zata fita breast idan taqara girma. Haka kaza lika zata fita diri na jiki na d'aukar hankali idan taqara girma still..
Sannan ita bata da hanci can. Hacinta gajere ne🙂
Sam idan Mazaje masu san mata kyawawa sukaci garo da MUSLEEMA baza su d'auketa ba. Dan ko kusa baza su sata a sawun mata masu kyau ba..
Cewa zasuyi gata baqa gata da gajeran hanci sam bazasu kirata da kyakkyawar mace ba

Amman ga mutumin dayasan ailihin kyau ga y'a mace yana ganin MUSLEEMA zaiyi gudu dan saceta ya b'oyeta inda babu Wanda zaina kallanta bare ya gane masa sirrin dake tare da ita..

Mahaifiyarta tayi wani aure saidai itama bata wani dad'e ba tarasu dan haihuwanta d'aya cikin rashin sani tana jan ruwa a rijiya tana magana santsi ya kwasheta tafad'i Sai jinta akayi acikin rijiyar tafad'a tsumdum. Tayi mutuwar shahada Dan ba'a kaiga I cirota ba tace ga garinku nan...
Iya tashin hankali iyayanta da Yawo sun shiga. Dan Hasiya mutum ce..
Haka iyayenta suka roqi alfarma kan iyayen mijinta subar musu d'an data bari Suleiman..
Dake mijin yayarda haka suma suka yarda...

Shine fa ya kasance Yawo take riqe da MUSLEEMA su Kuma iyayan Hasiya suka riqe da Suleiman..

Wannan shine labarin MUSLEEMA da yanda tazo duniya...

******





Abinda ya faru awashe garin ranar da Y'an iskan nan sukama ADAMS wannan duka suka yadashi Rugar malam Jauro shine..
Ita dai MUSLEEMA bayan tayi sallar asuba makarantar malam jauro ta nufa kamar yanda tasaba. Yana karantar dasu karatun bayan sallar asuba zuwa qarfe takwas na safe..
Qawarta Aisha ce me biyo mata to jiya a gidan kusa dana malam jauro ta kwana gidan yayarta data haihu..
Hakan yasa take tafe ita kad'ai yau..

Taga Adams akwance Sai tsoro ya hanata kulawa dashi..

Dake makarantar tana da d'an nisa da gidansu haka ta dinga tafiya tana waige dan ganin Adams ya tsaya mata arai..
Duk da ba ganin fuskarsa tayi ba.. Amman ya tsaya mata arai matuqa

Har aka tashi daga makarantar hankalin MUSLEEMA nakan ADAMS..
Dama malam jauro na lura da ita Dan haka da'aka tashi saiya kirata yana tambayarta me yake damunta ne yau. Yaga kamar hankalinta baya kan karatu..
Cikin nutsuwa ta gayamai taga wani mutum ne a can kusa da gidansu. Kuma da alama mutuwa yayi..

Murmushi malam jauro yayi Dan tunaninsa ko masu zuwayi masa sata ne sukazo rai yayi halinsa..
Dan haka saiya kira liman da yaransa biyu ciki harda Wanda zai Auri MUSLEEMAN yace suzo akwai wani Wanda ya mace can kusa da gidansu MUSLEEMA..

Aiko cikin sauri suka rangad'o zuwa ganin wanene kuma wannan..
MUSLEEMA tana gaba suna binta a baya har takaisu inda taga ADAMS.
Aiko yana nan kamar yanda ta gansa...

Hankalin me gari da liman yayi matuqar tashi ganin Adams haka. Sun gane mugun duka aka masa Wanda duk Wany'anda suka masa wannan duka sun ilmantu da dukan mutane a inda suke da tabbacin zai zamame mutum illa arayuwa..
Duk wani gu Wanda ido yake tsoran a tab'a mai ajiki Sanda suka tab'amai

Malam jauro yaga sab'anin abinda yake tunani..
Nan take tausayin ADAMS ya kamashi yace maza su kinkimesa su kaishi gida.
Wajen d'aukar nasa ne liman yake tabbatarma da malam jauro karaya bakwai ce a jikin ADAMS.
Malam jauro yaqara jinjina wannan rashin tausayi irin na mutane..

MUSLEEMA ko tunda taga fuskar ADAMS hankalinta ya tashi. Tausayinsa ya cika zuciyarta.. Nan take tafara kuka tana me qarajin tausayinsa aranta.
Daqar malam jauro da liman suka iya shawo kan kukan nata tatafi gida.
Sun tabbatar da lalle yarinyar me tausayi ce..


Da kuka tashiga gidan nasu lokacin Yawo na dama kokon safe..
Aiko da sauri tatashi ta tareta tana tambayarta... "Meya faru dake yanxu kuma da sassafe.
"Wani mutum nagani kusa da gidanmu d'azu zani makaranta. Shine da aka tashi malam dasu Iro da liman suka biyoni na nuna musu shi. Yawo bakiga yanda akamai duka ba. Wasu ne suka jimai ciwo sosai ajikinsa. koma ya mutu ne oho

Shuru Yawo tayi dan tayi tunanin ko masu zuwa yima malam jauro d'in sata ne. Amman dataji batun duka Sai tunaninta ya canja..
"Kinga ba komai zauna kiyi kalacen ki.
"Ni bazan iya cin komai ba. "Toh yanxu me kika san ayi. "Nidai kizo muje gidan malam kiga mutumin kinga saimu dinga zuwa dubasa ko☹
"Ohni Yawo.🤔 zamuje amman Sai munyi kalace..
Jin hakan yasa MUSLEEMA d'auko tabarma ta shinfid'a a tsakar gidan nasu wanda yasa sumunti ta d'auko kokon nasu da kosai suka zauna ita da Yawon suka cika cikinsu..

A al'adar MUSLEEMA idan tawowa daga makaranta bayan taci abinci shara takeyi da wanke wanke saitayi wanka saita zaga wajen ciwansu ta duba lafiyar dabbobin da taga zata iya dubawa. Idan da matsala tazo ta gayama Yawo idan babu matsala haka zata zauna cikinsu tana me kula dasu na lokaci me tsawo. Sallah ce take tadata. Idan tayi takan fitta su had'u da qawarta Aisha suta wasansu da hirace hiracensu..
Toh yau ko sharan da wanke wanken batayi ba tatashi ta azalzalama Yawo wai saidai tatashi suje gidan malam taga wannan mutumin...
Yawo tace bazata ba saitayi mata wanke wanke da shara tukunna
Haka MUSLEEMA tayi tana turo baki. Wai adole ranta ya b'aci...
Tana gamako suka kullo gidan da nufar gidan malam jauro.


Kallo d'aya Yawo tama Adams gabanta yayanke ya fad'i.. Hankalinta kuma ya tashi.. Saboda ganin da tayi yayi mata kama da y'arta Rahma.
Ga irin idansa nan irin na Rahma ne. Irin na MUSLEEMA.
Ga hancinsa mah irin na Rahma Y'arta ne..
A dibibice ta kalli malam jauro tace... "Malam a ina Kaga wannan bawan Allahn..
" aa MUSLEEMA bata gaya miki bane. Ai itace taban labarin yanda tagansa.
"Eh nima taban labarin na dai d'auka ko a kid'ime take ne.
"aa gaskiyar kenan tagaya miki... "Ammako ko suwaye ne suka mishi haka suncika azzalimai.
"Wallahi yanxu ni da liman zancen da muke kenan. Ko daga ina yake. Wayaxo ya yayada shi Allahu ya'alamu.
Amman nasa su Iro suje kewayenmu su bincika ko wani nasu ya b'ace. Dan ga wani cikin rugata yana jin jiki..
"Eh hakan yayi. Allah yasa anan kusa yake..
"Amiin..

Jan numfashi liman yayi da kallan malam jauro yace. "Na gyara mai karayoyin dake jikinsa. Gashi nasaka mishi magani a raunukan nashi. Allah yasa a samu kansa nan da kwana biyu..
Da sauri MUSLEEMA ta katse liman da cewa. "Babba yana da rai koya mutu.
Murmushi duk sukayi yace mata shi yace da ita. "bai mutu ba MUSLEEMA..
Malam jauro yace. "Nasa Suleiman yaje can cikin garin na gwambe ya kira ɗana Usman. Dan naga kamar saiya saka hannu cikin lamarin ciwan nasa..
Gyad'a kai liman yayi da cewa.. "Ya kamata kam. Kan malam jauro yayi wata magana saiga Usman ya shigo da sallah shi da Suleiman d'in..
"Kaga yanxu muke maganarka nake gaya musu na tura Suleiman ya kiraka kaduba mana Wannan bawan