You Cannot Download this book untill you login but you can read it .

---

Login Register

🫦 مقىينا 🫦


Mallakin
أسماء محمد أولا 🥳

Asmeetah (giaɗe writer)



https://chat.whatsapp.com/ERHR7h6oEY76fTvAQFZauw


https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️
(J.W.A)
_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

STEP TWO
👇
*15_ TO_16*



Ƴar Amana har ta fara shiɗewa sakamakon wuƙar da ya ke shigar ta a hankali, ga jini har ya wanke gaban rigar ta.
Yallaɓai yana riƙe da bindiga a saitin kan Guess kwatsam yaji bullet ya shigar masa hannun da yake riƙe da gum ɗin, a firgice ya jefar da bindigar hannunsa yana kallon yanda aka harbo bullet, gani yayi Elekwabtan Sojoji yana shirin sauƙa har guda biyu kuma duk a cike da Sojoji, Yallaɓai ganin haka yasa ya yi gudu ya shige cikin daji yana riƙe da hannunsa da aka harba, shima Guess jefar da wuƙar hannunsa ya yi tare da tserewa, haka duk yaran Yallaɓai suka fara guduwa suma Sojojin dirƙowa suka rinƙa yi suna bin bayan su, iya Razhdeen da Mohandas ne kawai suke tsaye a wurin.
Razhdeen ido ya zaro sosai ganin halin da Ƴar Amana take ciki domin kallo ɗaya yayi mata ya gane ta dake ba kowa ne zai iya gane ta ba saboda Askin da aka mata babu alamun gashi..

Ƴar Amana itama a tsaye take idonta na kallon dishi-dishi amma da haka ta iya gane Razhdeen, kafa masa shanyayyun idanuwanta tayi waɗanda suke shirin rufe wa, ga kuma wuya yanda aka fara yanka wa, ganin idanuwanta ba ƙarya suke gane mata ba shi ɗin ne Razhdeen yasa ta fara takawa da gudu tana yowa kansa, duk da a halin da take ciki amma bai hanata gudu ba ga wani irin hajijiyar da take ji, har tayi kusan zuwa dab da shi aka harbo mata kibiya ta baya, ido ta zaro waje jin an soketa ta baya, tangal-tangal ta fara yi zata faɗi ƙasi Razhdeen ya yi saurin riƙo ta a ruɗe, rungumarta yayi sosai idonsa akan kibiyar dake soke a bayanta, gani yayi kamar an ƙara jefo da kibiyar a karo na biyu ya yi saurin juyar da ita ya kasance shine a gurbin ta, ai kuwa kibiyar bata sauƙa a ko ina ba sai a bayan Razhdeen yana rungume da ita, sake jefo da wata kibiyar akayi a karo na uku nan ma ya sake sokar Razhdeen ko motsa wa baiyi ba ya rungume Ƴar Amana sosai idanuwansa a lumshe domin kibiyoyin ba ƙaramin sokarsa suka yi ba,
A wannan lokacin ne Mohandas ya saita yanda ake harbo da kibiyar da bindigarsa nan take ya harbe saitin goshin wanda yake harbowa, ba kowa bane illa Yallaɓai, daga nan Yallaɓai bai ƙara shurawa ba domin goshin sa aka samu da bullet,
Mohandas ne ya ja Razhdeen tare da Ƴar Amana cikin Elekwabta tare da yara ƴan matan da suke wurin duk aka sassaka su da sauran Sojojin duk suka shiga jirgin ya tashi suka tafi, ɗayan Elekwabta kuma masu laifin da aka kamo duk ɗinsu ne aka sassaka su a ciki har da Guess suma suka tafi, bayan sun je sama sosai Sojojin suka jefo da bom gaba ɗaya wurin ya tashi duk abubuwan su suka tarwatse...

Razhdeen da Ƴar Amana ba ƙaramin jikkata suka yi ba domin kibiyar yana da dafi sosai dafin har ya ratsa jikinsu, especially Ƴar Amana ita daman ga wuyan ta da aka fara yanka wa,
Cikin lokaci ƙanƙani suka isa cikin gari, Razhdeen ne ya yi musu alama da hannu cewa kada su tsaya a ko ina sai gidansa baya buƙatar zuwa hospital, hakan kuwa akayi sauran ƴan mata kuwa da masu laifukan duk headquarters aka wuce da su.
Mohandas ne ya shiga da Razhdeen wani soja kuma ya shigo da Ƴar Amana, kai tsaye part ɗin Razhdeen aka wuce da Ƴar Amana dake can cikin falo na biyu, shi kuma Razhdeen sai aka shigar da shi bedroom dake falo na farko, shi ya bada umarnin haka domin baza'a rasa masu zuwa duba shi ba kuma baya so asan Ƴar Amana tana nan, ya sanar wa Mohandas shima cewa baya son kowa yasa Ƴar Amana tana hannun sa...

A lokacin yasa aka ƙira masa wani Abokin sa babban Doctor yazo shi kaɗai da kayan aiki domin an sanar masa cewa Razhdeen ne ya samu hatsari kuma ba'a buƙatar zuwa hospital, bayan wasu mintuna sai ga Doctor ya zo da akwatin kayan aiki a hannun sa, da sauri ya yo kan Razhdeen zai duba shi bayan ya isko shi a bedroom.

Razhdeen yana kife akan gado babu riga a jikin sa ga kibiyoyi guda biyu da Mohandas ya cire masa akan drower, Razhdeen ido a lumshe murya ciki-ciki ya ce "kuje ku fara duba Yarinyar tana cikin mawuyancin hali..."

Doctor da Mohandas ne suka fice da sauri kai tsaye ɗakin da aka ƙwantar da Ƴar Amana suka nufa domin tafi jikkata sosai wanda a halin yanzu ba'a sani ba ko tana raye ko kuma ta mutu..

Doctor yana samun ta a wannan yanayin shi kansa sai da ya tsorita ganin ana shirin yanka mata wuya ga kibiya yanda aka cire mata a baya, babu alamar numfashi a tattare da ita.
Girgiza kai Doctor ya yi sannan ya ce "wannan aiki ai sai hospital bana aikin gida bane domin akwai abubuwan da ake buƙatar yi mata a hospital..."

Mohandas ya ce "aikin ba zai yu a gida bane?..."
Doctor ya ce "zai yu mana amma zai fi kyau a kaita hospital..."
Mohandas ya ce "to in har zai yu kayi abinda Major ya ce kawai, jinyar ana so ayi shi cikin sirri ne ba tare da kowa ya sani ba, hakan yasa muka ƙira ka ai mun san da hospital muka ƙira ka, ka dai san halin mutumin nakan kawai kayi aikin da ya dace..."

Doctor ya ce "okay ai sai ku mun bayani tin farko, insha Allahu zanyi iya ƙoƙari na..."

Daga nan Doctor ya fara cire kayan aikin sa shi kuwa Mohandas fice wa yayi domin ba'a son a tsaya akan majinyaci idan ana masa aiki...
Abinda Doctor ya fara yi shine ɗinke mata wuya sannan ya sanya mata bandeji ya ɗaure wuyan, sannan ya juyar da ita ya fara ɗinke mata wurin da aka soke ta da kibiya sai da ya gama treat ɗinta sosai sannan ya buƙaci a ɗaura mata laidar jini domin ta zubda jini sosai..

Bayan an sanar wa Razhdeen sai ya buƙaci a ja nashi jinin, Doctor bai yadda da hakan ba sakamakon shima ya zubda jini sosai kuma bai juma da bawa Baiwar Allah jini laida biyu ba, kuma son samu sai ya yi wata biyu kafin ya ƙara bada jininsa, duk da anyi masa wannan bayani amma fur Razhdeen yaƙi yadda wai shi sai an ja mata jininsa, babu yanda kowa ya iya a cikin su haka aka ja jininsa aka je aka ɗaura wa Ƴar Amana...

Bayan an gama da ita shima aka zo akayi treat ɗinsa sosai,
daga nan Doctor ya yi tafiyar sa...


Bayan kwana biyu da faruwar haka sai a lokacin su Abbah suka ji labarin abinda ya faru da Razhdeen, hankalin Abbah ba ƙaramin tashi ya yi ba ko jinkiri baiyi ba haka ya kama hanya da sojojinsa masu raka shi zuwa gidan Razhdeen, a ruɗe Abbah ya shiga cikin wantalelen gidan bai tsaya a ko ina ba sai a babban falon gidan, anan ya tarar da Razhdeen yana zaune a kujerar falon ga jiki fari sol babu riga sai tilin bandaje, ga kuma Mohandas ata gefen sa shima dake shine mai masa duk ɗawainiyoyinsu shi da Ƴar Amana,
Abbah zama yayi yana facing ɗin Razhdeen ya ce "Razhdeen ashe akwai abinda zaka iya ɓoye mu dan gane dakai? idan ka ɓoye mun komai ai bai kamata ka ɓoye mun rashin lafiyar ka ba kuma a wurin yaƙi haba Razhdeen? shin ka kyauta mun kenam? ban tashi jin maganar ba sai a television cewar kun ceci wasu yara da aka yi kidnaping ɗinsu har kaima kaji rauni sosai..."

Razhdeen sunkuyar da kansa ya yi ƙasi yana sauraron Abbah, sai ji ya yi Abbah ya ƙira sunan sa cikin sassanyar murya,
Razhdeen ɗagowa yayi yana kallon Abbah,
Abbah ya ce "yanzu ya jikin nakan?..."
Ya ce "naji sauƙi..."
Abbah ya kuma cewa "Sosai?..."
Kai Razhdeen ya ɗaga masa..

Mohandas already ya bar wurin tin shugowar Abbah, ya gaishe da Abbah amma sam yaƙi sauraronsa..
Abbah ya juma sosai a wurin Razhdeen kafin daga baya ya yi tafiyar sa ya sanar masa cewa zuwa dare zai ƙara zuwa ya duba shi...

Bayan fitar Abbah ba jumawa sai ga Roshan da Baiwar ALLAH sun shugo, gaba ɗaya hankalin Baiwar ALLAH akan Razhdeen yake, zumuɗinta tazo taga a wani hali yake ciki domin tinda taji labarin hankalinta yaƙi kwanciya, Roshan shi kaɗai yayi niyar zuwa ya duba twins ɗinsa amma Baiwar ALLAH ta dage akan cewa zata zo duba shi itama, babu yanda ya iya haka ya taho da ita...

Roshan ba ƙaramin tausayawa twins ɗinsa ya yi ba ganin a halin da yake ciki, bayan sun kammala gaisawa ya kalli Baiwar ALLAH sannan ya ce "Ammata ganan My Man ki gaishe shi da jiki mana, kinyi shuru bayan ke kika damu akan zaki zo ki gànshi..."

Jin haka yasa Razhdeen ɗagowa ya kalle ta sannan ya kawar da kansa gefe tare da haɗe gira, saboda ya tuna maganganun da ta rinƙa yi a hospital wanda sam bai ji daɗin hakan ba.

Itama kallon sa tayi gaba ɗaya kamar wanda aka ɗaure mata baki, ta kasa cewa komai lokaci guda taga yayi mata wani irin Mungun kwarjini da kuma shakkarsa, wani irin harara ya wurga mata ta wutsiryar ido ba tare da Roshan ya gani ba, da sauri ta sunkuyar da kanta ƙasi kamar zata fashe da kuka...

Roshan ne ya ce "am ina Mohandas yake ne?..."
Razhdeen murya ciki-ciki ya ce "yana ciki..." ya nuna yanda yake da hannu can part ɗin da aka ƙwantar da Ƴar Amana..
Shi sam ya manta da cewa a part ɗin Ƴar Amana take sai daga baya ya tuna, da sauri ya juya zai yi wa Roshan magana yaga har ya tashi ya nufi part ɗin,
Razhdeen bai damu ba saboda yasan Roshan idan aka sanar masa cewa secret ne bazai sanar ba...
Ɗagowar da zai yi kwatsam suka haɗa eyes da Baiwar ALLAH ta zuba masa ido ko ƙibgawa babu, cike da mamaki ya ce "what are you looking for?..."

Ciki ƙwarin gwiwa ta ce "You..."
haɗe fuska ya yi tare da faɗin "whatt?..."

Roshan kai tsaye upstairs ya haura room ɗin farko ya fara buɗe wa yaga babu kowa still ya yi gaba ya buɗe room na biyu sai kawai ya tarar da Mohandas zaune kan kujerar ɗakin yayi tagumi kansa na kallon ƙasi,
Roshan har zai yi sallama idonsa suka sauƙa akan Ƴar Amana dake kwance saman gado, sake baki yayi yana kallon wurin, daga bisani ya ce "Marshall aina ku ka samo yaro?..."

A ruɗe Mohandas ya ɗago yana bin Roshan da kallo ganin ya yi masa shugowar bazata,
Ƙarasa shugowa ya yi still yana faɗin "yaron nan fa meya same shi?..."
Mohandas ya ce "samu wuri ka zauna tukun, wannan ba yaro bane yarinya ce..."
Haɗe gira Roshan ya yi tare da faɗin "taya ya zai zamo mace bayan ga kansa a tanɗe kamar lale kobo..."
Mohandas ya ce "bazaka fahimta bane in har ba bayani aka yi maka ba..."
Roshan ya ce "okay ina jinka..."

Mohandas ya ce "kai ma kasan kalar mafarkin da Razhdeen yake yi ko? kuma kasan me yake ƙunshe acikin mafarkin, yarinyar da yake gani koda yaushe a cikin mafarkin ba kowa bace illa wannan yarinyar, tin da Allah yasa Razhdeen yayi ido huɗu da yarinyar bai sake yin mafarkin nan ba sakamakon kasan itace maganin mafarkinsa..."
Nan Mohandas ya sanar wa Roshan duk halin da ake ciki da irin ƙalubalen da yarinyar ta fuskanta a hannun mutanen nan,
Roshan yana tsaye bai san lokacin da ya nemi wuri ya zauna ba, yayi matuƙar tausayawa yarinyar kuma yana mamakin meyasa take yawan fitowa a cikin mafarkin Twins ɗinsa, tambayoyi ne tarin-tarin a cikin zuciyarsa.

Mohandas ne ya kuma cewa "mun ɓoye ta ne a cikin gidan nan ba tare da kowa ya sani ba, kuma bama buƙatar kowa ya sani daga Ni sai kai sai kuma uban gayyar wato Razhdeen da kuma likitan da yayi musu magani..."

Roshan ya ce "to amma meyasa Twins ya damu da yarinyar har haka?..."
Mohandas ya ce "meyasa bazai damu da ita ba? ita ce fa mafarkinsa..."
Jinjina kai Roshan ya yi sannan ya ce "Okay ba damuwa zamu cigaba da tsare ta ba tare da kowa ya sani ba Insha Allahu..."

Mohandas ya ce "gud! Amm daman Roshan inaso zanyi magana da kai Please..."
Roshan ya ce "about Minal ko?..."
Mohandas ya ce "of course, sannan Abbah yazo na gaishe shi amma he didn't answer me I don't know why..."
Murmushi Roshan ya yi sannan ya ce "kafi sanin kowa dalilin da yasa ba zai kula ka ba, amma mun kusan kawo ƙarshen wasan..."

Mohandas ya ce "tayaya kenam?..."
Roshan ya ce "ta hanyar ɗaura muku Aure ba tare da kowa ya sani ba, tinda Allah yasa kai ka musulunta, idan Abbah yasan ka musulunta ma bazai taɓa Aura maka ɗiyarsa ba saboda iyayenka kuma na farko ba shiri suke yi ba..."

Mohandas ya gamsu da bayanan Roshan yasau numfashi tare da faɗin "Nima iyaye na baza su taɓa sani ba sai lokacin da aka kawo ƙarshen wasan, don haka Roshan inaso a cikin satin nan a Aura mun Meenat ko hankali na zaifi kwanciya Please..."

Roshan ya ce "a kwai wurin da zamu je a ɗaura gobe da safe Insha Allahu, domin har nayi magana da malaman wurin, za'a yi hakan ba tare da My Twins ya sani ba tinda ya nuna shima baya son harkar munafurci..."
Jinjina kai Mohandas ya yi tare da faɗin "that's gud, but ita Meenat da ita zamu je?..."
Roshan ya bashi amsa da "Eh".

Sai da suka kammala tattaunawarsu tsab tukun suka baro ɗakin,
Ƴar Amana har zuwa ɗan kwanakin nan bata samu farfaɗowa ba..


Razhdeen suna zaune zaman kurmanci babu wanda ya kula kowa a tsakanin sa da Baiwar ALLAH, sai dai su kalli juna su kawar da kai amma ko wannensu da saƙe-saƙen da yake a cikin zuciyarsa,
Razhdeen ganin har yanzu su Roshan basu fito ba yasa shi miƙe wa zai bi bayansu, ai kuwa nan bayansa ya riƙe sosai haka ya yi baya zai faɗi da gudu Baiwar ALLAH tayo kansa ta rungume shi sosai tana ƙoƙarin tare shi, dai-dain lokacin da su Roshan suka fito, idonsu ne ya sauƙa akan Baiwar ALLAH yanda ta rungume shi, shi kuwa ya dafa saman kujera da hannunsa ɗaya, ba wai riƙe shi da tayi ne yasa bai faɗi ba domin bata da ƙarfin da zata tare shi idan yazo faɗuwa, already ya rigada ya dafe kujerar, ita dai kawai ta an ƙara ne domin a tsorace tayo kansa kamar wanda take jira ya goce...

Ganin yanda ta rungume shi ne yasa shi fusata da ɗayan hannunsa ya hankaɗata baya har sai da ta doku akan kujerar da take before,
Komawa yayi ya zauna yana binta da kallon takaici
ya ce "You are ingratitude fool, Nonsense girl wannan wani irin hauka ne? shin idan aka barki zaki iya dakatar da ni ne idan nazo faɗuwa? bana son wannan gangancin kada ki sake mun irin haka na gaya miki idan kuma ba haka ba sai na miki abinda bakiyi zato ba, mtsws useless girl..."

Ita kuwa baiwar ALLAH kanta a ƙasi ba abinda take sai kuka domin ba ƙaramin ci mata mutunci yayi ba...

Roshan da Mohandas ne suka ƙarasa shigowa cikin falon bayan sun gama jin duk chakwakiyar da suke yi,
Roshan ne ya zaune kusa da Razhdeen tare da dafa kafaɗarsa ya ce "haba My Man abun gwaninta fa tayi maka bai kamata kayi mata haka ba, Please am so sorry na amshi bakin ta..."

Razhdeen kallonsa yayi fuska a haɗe ya kuma kawar da kansa gefe yana faɗin "ka tashi ka fice mun da ita daga gida, next time idan har kasan da ita zaka zo mun to kaima kayi zaman ka bana buƙatar ku..."
Murmushi Roshan ya yi tare da faɗin "duk mai ya yi zafi haka My Man?..."

Tsuka Razhdeen ya yi tare da ƙoƙarin tashi zai bar wurin, kasa tashi yayi sai da Mohandas ya tallafa masa tukun daman shine mai taimaka masa da wasu abubuwa, suna tafiya hankali sai da suka ɗan yi nisa kaɗan sannan Razhdeen ya waiwayo idonsa akan Roshan wanda shima miƙewa yayi zasu tafi
ya ce "Please kana zuwa kana duba mun jikin Yarinyata..."

Da murmushi kwance saman fuskar Roshan ya ce "Okay ana kan duba ta zata samu sauƙi Insha Allahu, naga jikin natan ya fara warware wa kawai farfaɗowa ne bata samu damar yi ba..."

Razhdeen bai bashi amsa ba ya juya gaban sa, Mohandas ne ya kuma cewa "kar ka manta Yarinyar kasan a Kashmir take..."
Roshan